Troch provinsje Fryslân
De provinsje hat ProRail opdracht jûn om in ferkenningsstúdzje út te fieren nei it realisearjen fan treinstasjon Ljouwert Werpsterhoeke. Dat is de earste formele stap yn it planproses fan ProRail. Dêrmei komt de bou fan stasjon Ljouwert Werpsterhoeke wer in stapke tichterby.
Yn de kommende oardel jier fiert ProRail de ferkenningsstúdzje út. Dy stúdzje moat genôch ynformaasje opsmite om in beslút te nimmen oer in foarriedich ûntwerp (foarkarsfariant) fan it stasjon. Dêrnei kin de faze fan de planútwurking begjinne. Yn dizze faze wurdt de foarkarsfariant útwurke ta it definitive ûntwerp. Neffens de planning fan ProRail kin it stasjon yn 2028 iepen.
Deputearre Matthijs de Vries is wiis mei dizze nije stap: “Mei it starten fan de ferkenning krije de plannen foar Werpsterhoeke mear foarm. Foar de berikberens fan Fryslân is dit in prachtige stap.”
“Station Werpsterhoeke draagt bij aan duurzamere mobiliteit,” legt Evert Stellingwerf uit. Hij is wethouder mobiliteit bij Gemeente Leeuwarden: “De komst van een station biedt kansen voor het maken van een mobiliteitshub aan de rand van de stad. Dat is een knooppunt waar je bijvoorbeeld je auto kan parkeren en kunt overstappen naar een duurzame vorm van mobiliteit de stad in. Het zorgt voor minder uitstoot, minder verkeersbeweging van auto’s in de stad en daarmee ook voor een betere verblijfskwaliteit. Natuurlijk zorgt Werpsterhoeke ervoor dat bewoners in de toekomst Middelsee en De Zuidlanden goed kunnen bereiken. Het onderzoek is het startsein voor het verder oppakken van de gebiedsontwikkeling bij Werpsterhoeke.”
Eftergrûn projekt
Treinstasjon Ljouwert Werpsterhoeke is ûnderdiel fan it projekt Werpsterhoeke. Yn 2008 hawwe Ryk en provinsje it konvenant ‘Regiospecifyk Pakket Zuiderzeelijn’ tekene. Hjir falle ûnder oare de Heak om Ljouwert en it projekt Werpsterhoeke ûnder. Yn 2014-2016 is de bou fan twa ûndertrochgongen útfierd en yn 2020-2022 binne twa lykflierse spoaroergongen opheft.